Настальгія
Тэксты Сяргея Абламейкі вызначаюцца нячастай у беларускай літаратуры эстэтыкай бесьсюжэтнай прозы. У сваіх падарожных эсэ ён злучае прозу, паэзію і публіцыстыку. Дзе б і куды аўтар ні вандраваў, усе яго падарожжы заканчваюцца ў беларускай культурнай і гістарычнай прасторы.
«Настальгія» – гэта не толькі туга пісьменніка-эмігранта, вядомага журналіста «Радыё Свабода» Сяргея Абламейкі па Радзіме. Гэта, перш за ўсё, туга па сапраўднай культурнай Беларусі, па тым, што магло б тут быць, але зь нейкіх прычынаў не адбываецца.
~Паводле svaboda.org
Уся кніга — вельмі добрая прышчэпка ад каляніяльнай сьвядомасьці. Беларусь у гэтай кнізе перамагае.
~Ірына Дубянецкая
У «Настальгіі» Сяргея Абламейкі ёсьць рамантызм. Проста невылечны, непапраўны рамантызм, які ў кожным наступным пакаленьні беларусаў зноў і зноў адраджаецца. А значыць, у Беларусі ёсьць будучыня.
~Вінцук Вячорка
На вокладцы — кадр з фільма Андрэя Таркоўскага «Настальгія».
Будьте первыми, кто оставит отзыв!