Жыровічы: пад святым Пакровам
З даўніх часоў Жыровічы былі сакральным месцам на карце Беларусі. Пакланіцца Жыровіцкаму абразу Маці Божай, які прызнаны праваслаўнай і каталіцкай канфесіямі цудатворным і ў наш час шануецца не толькі ў Беларусі, але і за яе межамі, прыходзяць не толькі беларусы, але і людзі з іншых краін, розных сацыяльных саслоўяў. Сведкам шматлікіх войнаў, якія зведала беларуская зямля, сталі сцены Жыровіцкага Успенскага мужчынскага манастыра. Жыровічы вытрывалі шматлікія выпрабаванні і зазналі ліхалецце, сёння гэта – аграгарадок. Тут захоўваюцца традыцыі мінулага і робіцца ўсё для стабільнай сучаснасці і будучыні. У ім дзейнічаюць аграрна-тэхнічны каледж, Успенскі манастыр, Мінская духоўная семінарыя, аб ім складзена гэта Энцыклапедыя. Кніга ўтрымлівае каля 200 артыкулаў, прысвечаных гісторыі і сучаснасці Жыровічаў. Большасць з іх дапоўнены спісам выкарыстанай літаратуры, што мае вялікую каштоўнасць для будучых пакаленняў даследчыкаў. Даведнік будзе цікавы ўсім, хто імкнецца ведаць больш аб гісторыі і сучаснасці сваёй краіны.
Будьте первыми, кто оставит отзыв!