Ад дзеда і ўнукаў – дзеткам навука. Народныя прыкметы ў вершах
Яшчэ зусім нядаўна, гадоў 100—150 таму, крыніц інфармацыі ў людзей было не так многа. Веды, назапашаныя папярэднімі пакаленнямі, перадаваліся дзецям праз вусныя павучанні, ад бацькі да сына, ад дзеда да ўнукаў. Вялікае значэнне нашы продкі надавалі назіранню за прыродай, ад якой шмат у чым залежалі. Пільную ўвагу звярталі яны на аблокі, вецер, колер зары пры захадзе і ўсходзе сонца. Па паводзінах жывёл і раслін вучыліся прадказваць надвор’е, выбудоўваючы лагічныя ланцужкі і вызначаючы прычынна-выніковыя сувязі. Вынікам такога шматвекавога вопыту сталі народныя прыкметы, якія былі сабраны і пададзены вядомым беларускім паэтам Віктарам Кажурам у выглядзе павучанняў дзеда сваім унукам Ангелінцы і Цімошку. А мастачка Анастасія Сліжук з любоўю аздобіла старонкі кнігі цудоўнымі яркімі ілюстрацыямі.
Адрасавана дзецям дашкольнага і малодшага школьнага ўзросту.
Будьте первыми, кто оставит отзыв!