Вялізная размалеўка. Віцебск. Віцебская вобласць
Размалёўка “Віцебск” пазнаёміць дзетак з вялікімі і малымі славутасцямі горада. З дапамогай гэтай размалёўкі можна зрабіць віртуальнае падарожжа па Віцебску: наведаць Губернатарскі палац і ратушу, палюбавацца старажытными храмамі, пазнаеміцца з мясцінамі, дзе нарадзіўся і рос знакаміты мастак Марк Шагал, прайсціся па берагах Заходняй Дзвіны або Віцьбы, падзівіцца на гарадскія скульптуры і проста шчыра пасмяяцца, бо на размалёўцы шмат забаўных і запамінальных персанажаў.
Размалёўка “Віцебская вобласць” распавядае пра славутасці прыроды, гісторыі, эканомікі гэтага рэгіёна ды і ўвогуле пра незвычайныя мясціны Віцебшчыны, якія дзіцяці будзе цікава наведаць разам з бацькамі. Усё, што змешчана на размалёўцы: палацы і храмы, звяры і птушкі, вадаёмы і прамысловыя аб’екты, дзеці і дарослыя, – пададзена так, каб маленькаму мастаку было цікава і весела.
Размалёўкі будуць карыснымі для арганізацыі заняткаў па краязнаўстве ў дзіцячым садзе, групе падоўжанага дня, а таксама для сямейнага баўлення часу.
Будьте первыми, кто оставит отзыв!