Што ў нас на стале. Узбагачаем слоўнікавы запас, выконваем заданні, пашыраем кругагляд. 6-10 гадоў
Без чаго нельга абысціся на кухні? У чым заключаецца адметнасць беларускай кулінарнай традыцыі і асаблівасць нашых нацыянальных страў? Адказы на гэтыя пытанні змяшчае ілюстраваны даведнік “Што ў нас на стале”, у якім на падставе яркіх каляровых фотаздымкаў, з аднаго боку, падаюцца назвы шырокага спектра посуду і кухоннага начыння, разнастайных ёмістасцяў, інструментаў і прылад, прызначаных для прыгатавання ежы, сервіроўкі стала, захавання прадуктаў харчавання. Асобныя старонкі прысвечаны самабытнаму посуду, якім раней карысталіся нашы продкі. З другога боку, значная ўвага надаецца спрадвечным нацыянальным стравам, якія і сёння не рэдкасць на абедзеным стале беларусаў: калдуны, бабка, мачанка, верашчака, зразы, зацірка, збіцень, кулага… У рубрыцы “А ці ведаеш ты, што…” даюцца спрошчаныя апісанні рэцэптаў некаторых з гэтых страў або невялікія гістарычныя звесткі пра іх паходжанне, а таксама тлумачэнні пра прызначэнне той ці іншай пасудзіны, што была ва ўжытку ў нашых продкаў.
Шматлікія практыкаванні на аснове работы з устойлівымі выразамі рубрыкі “Калі так кажуць?”, трапнымі прыказкамі і прымаўкамі арыентаваны на актывізацыю слоўніка дзіцяці, фарміраванне яго маўленчай культуры, далучэнне да духоўнай спадчыны беларускага народа.
Адрасавана дзецям малодшага школьнага ўзросту, бацькам, настаўнікам пачатковых класаў.
Будьте первыми, кто оставит отзыв!