Новая зямля
«Новая зямля» — кніга, якая павінна быць у біблятэцы кожнага, хто лічыць сябе беларусам. Не толькі таму, што гэта першая нацыянальная эпічная паэма, якую справядліва лічаць энцыклапедыяй жыцця беларускага сялянства, класічным творам нашай літаратуры, а перадусім таму, што гэта выдатная паэзія. Сам Якуб Колас (1882—1956) лічыў яе асноўнай паэмай ва ўсёй сваёй паэтычнай творчасці.
Нягледзячы на тое, што Колас пачынаў пісаць «Новую зямлю» ў зняволенні, паэма стала маніфестам годнага і вольнага жыцця чалавека, гаспадара сваёй зямлі. Бо менавіта зямля ёсць для кожнага з нас сімвалам Айчыны, свабоды і незалежнасці.
Паэма была напісаная сто гадоў таму, але ідэі самастойнага дзяржаўнага будаўніцтва, якія былі пакладзеныя ў яе аснову, актуальныя і сёння.


Будьте первыми, кто оставит отзыв!